Hodaj: Specialja ka pasur bazë ligjore, por s’i ka arrestuar Thaçin e Veselin

20:14 | 28 Shtator 2020
L G

Ish-shefi i Inteligjencës në Forcën e Sigurisë së Kosovës, Salih Mustafa, sot ka bërë paraqitjen e parë në sallën e gjyqit të Dhomave të Specializuara të Kosovës në Hagë.

Avokati i licencuar i Speciales, Taulant Hodaj, në emisionin Info Magazine në Klan Kosova, ka bërë të ditur se seanca e parë është zhvilluar vetëm për t’u siguruar se i akuzuari e ka kuptuar aktakuzën.

Ai ka thënë se Specialja ka pasur bazë ligjore që t’i arrestojë edhe Presidentin Hashim Thaçi dhe kryetarin e Partisë Demokratike të Kosovës, Kadri Veseli.

“Arrestimi nuk është obligim ose nuk është i detyrueshëm. Arrestimi ndodh vetëm në raste të caktuara kur dyshohet se i akuzuari ndikon në dëshmitarë”.

“A mund të ndodhë? Besoj se ligjërisht mund të ndodhë. Në njoftimin që kemi pasur nga zyra e Prokurorit të Specializuar, ka pasur elemente aty që kanë mundur të rezultojnë me arrest”.

“Ata kanë pasur bazë ligjore, por nuk kanë proceduar. Besoj se kjo është për arsye për shkak të pozitave që mbajnë”.

Shpërndaje në rrjete sociale

Lajmet më të lexuara

Të ngjashme

Foto lajm